Մեդալի հավակնորդները միայն մաթեմատիկայից քննություն կհանձնեն
Մեդալի հավակնորդ շրջանավարտները քննություն կհանձնեն միայն մաթեմատիկա առարկայից, տեղեկացնում է կրթության, գիտության, մշակույթի և սպորտի նախարարությունը։
Քննությունը կանցկացվի հունիսի 25-ին՝ պահպանելով սանիտարական համապատասխան նորմերը։ Կմասնակցի մոտ 100 հավակնորդ՝ Երևանից և ՀՀ բոլոր մարզերից։
Քննությունը բարեհաջող հաղթահարելու դեպքում հավակնորդները կստանան մեդալ, իսկ եթե դիմորդ են, ապա հավասար միավորների դեպքում նաև բուհեր ընդունվելու առավելություն կունենան։
Եթե սովորողը «մաթեմատիկա» առարկան ընտրել է որպես միասնական քննություն, ապա գերազանցության մեդալ տրամադրելիս հիմք է ընդունվում միասնական քննության արդյունքը:
Հետևի՛ր մեզ քեզ հարմար սոցիալական ցանցում