Արցախում կորոնավիրուսով վարակվածության 2 նոր դեպք է գրանցվել
Արցախում կորոնավիրուսով վարակման 2 նոր դեպք է հաստատվել։ Մայիսի 6-ին թեստավորված 4 քաղաքացուց երկուսի փորձանմուշի արդյունքը դրական է եղել, երկուսինը՝ բացասական, տեղեկացնում է երկրի առողջապահության նախարարությունը։
2 վարակակիրն ընտանիքի անդամներ են, որոնք բնակվում են Շահումյանի շրջանի Նոր Վերինշեն համայնքում:
Աշխատանքներ են տարվում նրանց հետ շփման շրջանակը ճշտելու ուղղությամբ:
Այսպիսով, Արցախում ընդհանուր առմամբ գրանցվել է վարակման 10 դեպք, որից 6-ն արդեն ապաքինվել են:
Հետևի՛ր մեզ քեզ հարմար սոցիալական ցանցում