Հանրության որոշ շրջանակներում տարածված թյուր կարծիք կա ալկոհոլային խմիչքների «օգտակարության» մասին
Կախվածությունների բուժման ազգային կենտրոնը հորդորով դիմում է քաղաքացիներին․
«Հարգելի՛ հայրենակիցներ, հանրության որոշ շրջանակներում տարածված թյուր կարծիք կա ալկոհոլային խմիչքների «օգտակարության» մասին։
- Ալկոհոլային խմիչքները որևէ կերպ չեն նպաստում սուր շնչական վարակիչ հիվանդություններով (նաև կորոնավիրուսային հիվանդությամբ) վարակվելու վտանգի նվազեցմանը։
- Ալկոհոլային խմիչքները չեն ամրապնդում իմունային համակարգը։
Բոլորովին հակառակը, ալկոհոլային խմիչքների չարաշահումն առաջացնում է օրգանիզմի կարևորագույն օրգան-համակարգերի ախտահարում։
Առաջնահերթ տուժում են կենտրոնական նյարդային, սրտանոթային, մարսողական համակարգերը, առաջանում են նյութափոխանակային խանգարումներ, ինչի արդյունքում էականորեն տուժում է նաև մարդու օրգանիզմի իմունային համակարգը։
Հետևեք կորոնավիրուսային հիվանդությունից պաշտպանվելու կանոններին՝ միաժամանակ զերծ մնալով ալկոհոլային խմիչքներ չարաշահելուց»։