«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է.

«Ռուսների կողմից շարունակվում է «Կոլցո» օպերացիան:

Մերժելով գազի միասնական սակագին սահմանելու Հայաստանի առաջարկը, Ռուսաստանը հերթական անգամ ցույց տվեց իր լկտի վերաբերմունքն ինքնիշխան երկրի նկատմամբ:

Հոկտեմբերի 27-ից հետո Հայաստանում ձևավորվեց ոչ միայն ավազակային, այլ ռուսների կամակատար ու ստորաքարշ իշխանություն, որն իր ռեժիմը պահելու համար գնաց գործարքների, որոնք էլ սասանեցին մեր ինքնիշխանության հիմքերը:

Քսան տարի ինքնակամ կկվելով Մոսկվայի առաջ՝ նրանք վտանգեցին երկրի անվտանգային համակարգը, այն լիովին դնելով ռուսական սապոգի տակ:

Ամեն ինչ փոխվեց 2018թ-ին:

Մոսկվան չի ներում, որ Հայաստանում ձևավորվել է իշխանություն, որն, ի տարբերություն Քոչարյանի և Սարգսյանի, կռիվ է տալիս երկրի, ժողովրդի շահերի համար։

Այս ծանր կռվում վարչապետի կողքին պետք է լինել:

Գազի սակագինը չի կարող լինել մեր ինքնիշխանության հաշվին»: