ԱԺ «ԼՀԿ» խմբակցության ղեկավար Էդմոն Մարուքյանը ֆեյսբուքյան ուղիղ եթերում խոսելով Հայաստանում անշարժ գույքի հարկման համակարգի՝ մասնավորապես գույքահարկի դրույքաչափի փոփոխությունների մասին՝ ընդգծել է, որ բազմաթիվ մարդիկ, ովքեր նախկինում գույքահարկ չեն վճարել, այժմ ստիպված կլինեն վճարել այն:

Մարուքյանը քաղաքացիներին առաջարկել է օնլայն ցույց իրականացնել՝ բողոքելով այս փոփոխությունների դեմ:

«Իշխանությունները ճգնաժամի դեմ պայքարը թողած՝ զգալի հարկային բեռ են ավելացնում քաղաքացիների վրա», - նշել է ընդդիմադիր պատգամավորը։