«Բարգավաճ Հայաստան»-ից Արման Աբովյանը քաղաքական բոյկոտ է հայտարարել
«Բարգավաճ Հայաստան» խմբակցության քարտուղար Արման Աբովյանն ԱԺ հերթական նիստին հայտարարել է քաղաքական բոյկոտի մասին:
Հիշեցնենք, որ խորհրդարանը հունիսի 16-ին փակ-գաղտնի քվեարկությամբ համաձայնություն տվեց գլխավոր դատախազի միջնորդագրերին` զրկել անխեռնմխելիությունից ԲՀԿ նախագահ Գագիկ Ծառուկյանին և կալանավորելու թույլտվություն տալ:
Աբովյանն այդ ամենը որակել է քաղաքական հետապնդում` ասելով, որ այս կերպ քաղաքական իշխանությունը փորձում է լռեցնել քաղաքական ընդդիմախոսներին:
Աբովյանի համոզմամբ` «Իմ քայլը» խմբակցության պատգամավորները դեմ են եղել իրենց պարտադրված քվեարկությանը և ընդգծել, որ ԲՀԿ-ն պայքարելու է ժողովրդավարական արժեքների համար: Նրա խոսքով` միջազգային հանրությունն ուշադրությամբ հետևում է Գագիկ Ծառուկյանի հանդեպ տարվող ռեպրեսիվ գործընթացներին:
Հետևի՛ր մեզ քեզ հարմար սոցիալական ցանցում