Միջազգային չվերթերի վերականգնումից հետո Եգիպտոս այցելելու համար ավելի խիստ ընթացակարգեր կլինեն այն երկրների համար, որտեղ դեռ կորոնավիրուսի համաճարակը կպահպանվի, հայտարարել է Եգիպտոսի Քաղաքացիական ավիացիայի ղեկավար Մոհամեդ Մանար Էնաբահը, փոխանցում է Egypt Independent-ը։

Նա հայտնել է, որ կորոնավիրուսի մեծ տարածում ունեցող երկրներից Եգիպտոս այցելել ցանկացողները պետք է կորոնավիրուսի PCR թեստի հավաստագիր ներկայացնեն՝ հաստատելու համար, որ վարակակիր չեն։

«Նրանք, ովքեր գալիս են երկրներից, որտեղ համաճարակը տարածված է, չեն նստի ինքնաթիռ, քանի դեռ PCR թեստը չի հավաստի, որ վարակակիր չեն», - ասել է Էնաբահը։