ԱԺ «Իմ քայլը» խմբակցության պատգամավոր Արեն Մկրտչյանը ևս կորոնավիրուսով է վարակվել։ Այդ մասին պատգամավորը հայտնել է ֆեյսբուքյան իր էջում՝ հավելելով, որ կինը ևս վարակվել է:

«Քանի որ առանց իմ հաստատման եղել են մի շարք հրապարակումներ, ստիպված եմ հաստատել. վարակվել եմ կորոնավիրուսով։ Ընթացքը փոքր-ինչ ծանր է։ Ցավոք, վարակվել է նաև կինս։ Ստանում ենք անհրաժեշտ բուժում։ Ամեն ինչ լավ կլինի, սա նույնպես կհաղթահարենք»,- ասվում է գրառման մեջ։

Ազգային ժողովում այլ մեկուսացածներ և կորոնավիրուսով վարակվածներ ևս կան։ Վարակվել են ԱԺ փոխնախագահ, «Բարգավաճ Հայաստան» խմբակցության պատգամավոր Վահե Էնֆիաջյանը, ԲՀԿ խմակցության անդամներ Իվետա Տոնոյանը և Արման Աբովյանը, «Իմ քայլը» խմբակցությունից Վիկտոր Ենգիբարյանը, Քրիստինե Պողոսյանը, Հայկ Գևորգյանը և Ծովինար Վարդանյանը։