Մարդու իրավունքների եվրոպական դատարանը որոշել է միջանկյալ միջոց չկիրառել Հայաստանում պաշտոններից հեռացված ՍԴ նախագահ Հրայր Թովմասյանի և երեք անդամի դիմումների հիման վրա։ ՄԻԵԴ որոշումը հրապարակվել է դատարանի կայքում։

Դատավորները ՄԻԵԴ-ին միջնորդել էին միջանկյալ միջոց կիրառել և ՀՀ կառավարությանը հրահանգել կասեցնել սահմանադրական փոփոխությունները, մինչև կավարտվի իրենց իրավունքների խախտման վերաբերյալ դիմումների քննությունը։

ՄԻԵԴ-ը մերժել է միջանկյալ միջոց կիրառելու միջնորդությունը, սակայն նշվում է, որ դատավորների իրավունքների խախտման մասով դիմումների հիման վրա վարույթ է հարուցվել։