Թուրքիայի արտաքին գործերի նախարարությունը հակահայկական հայտարարություն է արել, կապված՝ հայ-ադրբեջանական սահմանին հուլիսի 12-ին սկսած մարտերի՝ հրետակոծության վերաբերյալ։ Այս մասին նշվում է Թուրքիանի ԱԳՆ կայքում։

Հաղորդագրության մեջ նշվում է, որ Թուրքիան դատապարտում է «հայ զինծառայողների հարձակումը Ադրբեջանի Թովուզի շրջանի վրա», իսկ այս գործողությունը Հայաստանի «ագրեսիվ ազգայնականության» ապացույց է։

Թուրքիան նշել է, որ Ադրբեջանի կողքին է վերջինիս «տարածքային ամբողջականության» պաշտպանության հարցում։

Հուլիսի 10-ին Հայաստանի անվտանգության խորհուրդը հրապարակել էր ՀՀ ազգային անվտանգության ռազմավարությունը, որի մեջ նշվում էր, որ «Թուրքիան կդադարի անվտանգության սպառնալիք լինել ՀՀ համար, երբ վերանայի Հայաստանի և հայ ժողովրդի հանդեպ իր ոչ բարիդրացիական քաղաքականությունը»: