Առավոտյան ժամերին խանութում միայն թոշակառուներին սպասարկելու որոշումը չեղարկվել է

Առավոտյան ժամը 10։00-ից 12։00-ն խանութներում միայն տարեցների, թոշակառուների առևտուր անելու որոշումը չեղարկվել է փոխվարչապետ, արտակարգ դրության պարետ Տիգրան Ավինյանի որոշմամբ։

Որոշումն ամբողջությամբ ներկայացնում ենք ստորև՝

«Այսօր ՀՀ պարետը ստորագրել է N230-Ն որոշումը։

Ըստ այդմ՝ ուժը կորցրած է ճանաչում N63 որոշման ենթակետը, որը սահմանում էր՝ «Յուրաքանչյուր օր ժամը 10։00-12։00-ը սպասարկվում են միայն կենսաթոշակային տարիքի անձինք՝ միաժամանակ ապահովելով վերջիններիս սպասարկումից առաջ խանութի սրահի ախտահանումը» այլևս պարտադիր պահանջ չէ:

Համաձայն փոփոխության՝ N63 որոշմանն ավելացվել է 10-րդ ենթակետ՝ հետևյալ բովանդակությամբ․ «Յուրաքանչյուր հաճախորդի սպասարկելուց առաջ վերջինիս ներկայությամբ իրականացվում է սեղանի մակերեսի ախտահանում»։