Հայաստանի պաշտպանության նախարար Վաղարշակ Հարությունյանը երեկ հեռախոսազրույց է ունեցել Ռուսաստանի՝ Սերգեյ Շոյգուի հետ։ Այս մասին հայտնում է ՊՆ-ն:

Երկու երկրների պաշտպանական գերատեսչությունների ղեկավարները քննարկել են պաշտպանության բնագավառում երկկողմ համագործակցության ընթացիկ հարցերը, Լեռնային Ղարաբաղում օպերատիվ իրավիճակին, գերիների և պատանդների վերադարձին, ինչպես նաև անհայտ կորածների որոնողական աշխատանքներին առնչվող մի շարք խնդիրներ։

Վաղարշակ Հարությունյանը և Սերգեյ Շոյգուն նաև կարծիքներ են փոխանակել տարածաշրջանային ռազմաքաղաքական վերջին զարգացումների վերաբերյալ: