Փրկարարներն վերսկսել են որոնողական աշխատանքները Ֆիզուլիի շրջանում
Արցախի փրկարարներն այսօր Ադրբեջանի վերահսկողության տակ անցած տարածքներում վերսկսել են որոնողական աշխատանքները։ Այս մասին հայտնում է Արցախի ներքին գործերի նախարարության Արտակարգ իրավիճակների պետական ծառայությունը:
Փրկարարական ջոկատներն այսօր որոնումներ են իրականացնելու Վարանդայի (Ֆիզուլի) շրջանում:
Վերջին երկու օրերի ընթացքում որոնողական աշխատանքները դադարեցվել էին ռուսական և ադրբեջանական զինված ուժերում կատարվող հերթափոխերի պատճառով։
Վերջին տվյալներով՝ հրադադարից հետո որոնողական աշխատանքների արդյունքում հայտնաբերված աճյունների ընդհանուր թիվը 1367 է:
Հետևի՛ր մեզ քեզ հարմար սոցիալական ցանցում