Փարիզի քաղաքապետ Անն Իդալգոն կդիտարկի մինչև 2020թ. հանրային տրանսպորտը բնակչության բոլոր խավերի ու ֆրանսիական մայրաքաղաքի հյուրերի համար անվճար դարձնելու հարցը։ Այս մասին հայտնում է Ռիանովոստի-ն։

«Անվճար տրանսպորտի հարցն առանցքային է քաղաքային տեղաշարժի բնագավառում», - նշել է Իդալգոն, մանրամասնելով, որ «մինչ 2018թ.-ի ամառ» նա մտադիր է ուսումնասիրել ու քննարկել անվճար հանրային տրանսպորտի տնտեսական մոդելը։ Վերջնական որոշումն կարող է ընդունվել մինչև 2020թ.։ Այդ ժամանակահատվածն իր հերթին համընկնում է քաղաքապետի ընտրությունների հետ։