Ռուսաստանի նախագահ Վլադիմիր Պուտինը Հայաստանի վարչապետ Նիկոլ Փաշինյանի հետ Արևելյան տնտեսական համաժողովի շրջանակներում քննարկելու է Արցախի կարգավորման հարցը, նշել է Պուտինի օգնական Յուրի Ուշակովը։

«Ռուսաստանը շարունակում է իր համակողմանի աջակցությունը Հայաստանի և Ադրբեջանի միջև հարաբերությունների կարգավորման գործին՝ առաջնորդների միջև եռակողմ պայմանավորվածությունների հիման վրա։ Ռուսական խաղաղապահ զորախումբն ապահովում է տարածաշրջանի անվտանգությունը»,- ասել է Ուշակովը։

Հիշեցնենք, որ վարչապետ Նիկոլ Փաշինյանը սեպտեմբերի 7-ին Վլադիվոստոկում մասնակցելու է «Բազմաբևեռ աշխարհի ճանապարհին» թեմայով Արևելյան տնտեսական յոթերորդ համաժողովի լիագումար նստաշրջանին:

Մասնակցելու են նաև Ռուսաստանի, Մյանմայի, Մոնղոլիայի ղեկավարները, Չինաստանի խորհրդարանի ղեկավարը, Հնդկաստանի և Մալայզիայի ղեկավարները։