Կարևոր է, որ միջազգային հանրությունը տեղեկանա և ճիշտ պատկերացում ունենա այն ամենի մասին, ինչ կատարվում է Արցախի հետ: Այս մասին գրել է Արցախի պետական նախարար Ռուբեն Վարդանյանն իր ֆեյսբուքյան էջում․

«Այդ նպատակով շարունակում եմ հարցազրույցներ տալ միջազգային հեղինակավոր լրատվամիջոցներին:

Reuters գործակալությանը տված հարցազրույցում խոսել եմ Ադրբեջանի կողմից Արցախի շրջափակման բուն նպատակի մասին՝ նշելով, որ իրական նպատակը ոչ թե բնապահպանական կեղծ պատճառաբանություններ են, այլ արցախցիների վրա ճնշում գործադրելը, նրանց ներշնչելը, որ այստեղ ապագա չկա: Այսինքն, արցախցիների ոգին կոտրելը: Ու վստահաբար ասել եմ, որ դա նրանց չի հաջողվելու»: