ՄԱԿ-ի Արդարադատության միջազգային դատարանում ավարտվեցին Հայաստանի և Ադրբեջանի միջև դատավարական լսումները։

Նախօրեին Հայաստանն ընդդեմ Ադրբեջանի գործով լսումներն էին, այսօր՝ Ադրբեջանն ընդդեմ Հայաստանի։

Ադրբեջանական կողմի ելույթներից հետո Հայաստանը ներկայացրեց իր առարկությունները Ադրբեջանի ներկայացրած պահանջներին։

Միջազգային իրավական հարցերով Հայաստանի ներկայացուցիչ Եղիշե Կիրակոսյանն ասաց, որ Հայաստանի ուսյալ իրավախորհրդատուներն ի ցույց դրեցին Ադրբեջանի միջանկյալ միջոցների հայցն իրենից ներկայացնում է ոչ անկեղծ և ոչ իրական պահանջ. «Այն նախատեսված է կեղծ հավասարության տպավորություն ստեղծելու համար։

Հայաստանը խնդրում է ամբողջապես մերժել Ադրբեջանի կողմից միջանկյալ միջոցների հայցը»,- ասաց Եղիշե Կիրակոսյանը։

ՄԱԿ-ի Արդարադատության միջազգային դատարանի նախագահը տեղեկացրեց, որ դատարանը հնարավորինս արագ կհրապարակի որոշումը։