Երկրաշարժից հետո ռուսները չեն ցանկանում Թուրքիայում բնակարան գնել
Փետրվարի 6-ին Թուրքիայում տեղի ունեցած ավերիչ երկրաշարժներից ու հաջորդած հազարավոր հետցնցումներից հետո ռուսների շրջանում կտրուկ նվազել է այդ երկրում բնակարան գնելու ցանկությունը։ Այս մասին գրում է Էրմենիհաբեր-ը, հայտնել է Թուրքիայի անշարժ գույքի շուկայի առաջատար ընկերություններից մեկի (Mars Investment) ղեկավար Հաքան Բուջաքը՝ մասնավորեցնելով, որ ռուսների շրջանում պահանջարկը նվազել է 40-50 տոկոսով:
Ըստ նրա՝ արտասահմանցի գնորդները զգայուն են շենքերի սեյսմակայունության հարցում, և երկրաշարժից հետո անշարժ գույք գնելիս հաճախ հաշվետվություն են պահանջում տվյալ շենքի սեյսմակայունության վերաբերյալ:
Ոլորտի մասնագետներից Ֆաթիհ Էրգյուվենն էլ տեղեկացրել է, որ այս գործընթացն ամենաշատն անդրադարձել է Ստամբուլի վրա, քանի որ ակտիվացել են խոսակցություններն առաջիկա տարիներին Ստամբուլում հնարավոր երկրաշարժի մասին:
Հաքան Բուջաքի տեղեկացմամբ՝ երկրաշարժի ռիսկի պատճառով ռուսները Ստամբուլում սկսել են ավելի քիչ բնակարան գնել, փոխարենը չի նվազել Անթալիայում բնակարանների պահանջարկը: Բայց այստեղ ևս օտարերկրացիները բնակարան գնելիս ավելի շատ են հետաքրքրվում շենքի ամրության մասին:

Մալաթիայում հայ վարպետների կառուցած տները երկրաշարժից գրեթե չեն վնասվել

Երկրաշարժ Իրանում․ Այն զգացվել է նաև ՀՀ մի քանի մարզերում

Թուրքիայի Քահրամանմարաշ նահանգում կրկին երկրաշարժ է գրանցվել

Թուրքիայում կրկին երկրաշարժ է գրանցվել

Իրանի և Իրաքի սահմանին 5․1 մագնիտուդ ուժգնությամբ երկրաշարժ է գրանցվել

Թուրքիայում կրկին երկրաշարժ է տեղի ունեցել
