ՔՊ-ական պատգամավորները մերժել են Լաչինի միջանցքի վերաբերյալ ընդդիմության նախապատրաստած ԱԺ հայտարարության նախագիծը
«Ներկայացնում եմ Արցախի շուրջ ստեղծված իրավիճակի մեր լրամշակված տարբերակը, որը ԱԺ Արտաքին հարաբերությունների հանձնաժողովում մեզ համար անընդունելի պատճառաբանությամբ մերժվել է»,- ԱԺ այսօրվա նիստի մեկնարկում ներկայացնելով Lաչինի միջանցքի խնդրով ԱԺ հայտարարության նախագիծը՝ ասաց «Հայաստան» խմբակցության պատգամավոր Անդրանիկ Թևանյանը:
Հայտարարության նախագծում ասվում է, որ ՀՀ Ազգային ժողովը դատապարտում է Ադրբեջանի կողմից 2022թ-ի դեկտեմբերի 3-ին և դեպտեմբերի 12-ից մինչ օրս շարունակվող Արցախի Հանրապետության շրջափակումը, որը հանգեցրել է անվտանգային հումանիտար տնտեսական լրջագույն ճգնաժամի:
Նշվում է նաև, որ շրջափակման հետևանքով գոյաբանական խնդիրներ են առաջացել 120 հազար Արցախի քաղաքացիներ համար և այն խախտում է 2020թ-ի նոյեմբերի 9-ի հայտարարության 6-րդ կետի պահանջները և նպատակ է հետապնդում ցեղասպանություն իրականացնել և նոր պատերազմ սանձազերծել:
Ընդդիմադիր խմբակցությունը հայտարարության մեջ գրել է. «Ադրբեջանն իր ահաբեկչական քայլերով ցանկանում է ամբողջությամբ կլանել Արցախը՝ հակադրվելու դեպքում սպառնալով ավելի կոշտ քայլեր իրականացնել»:
Նախագծում ընդգծվում է նաև, որ պաշտոնական Բաքուն ծավալապաշտական վարքագիծ է ցուցաբերում մնաև Հայաստանի նկատմամբ:
Ըստ նախագծի՝ Ադրբեջանը չի կատարել նաև ՄԱԿ Արդարադատության միջազգային դատարանի որոշումը, ինչը նշանակում է որ Արցախը չի կարող լինել Ադրբեջանի կազմում և ելքը ինքնորոշման իրավունքի իրացումն է, իսկ բաքվի վարքը ստիպում է երակարացնել ՌԴ խաղաղապահ առաքելության գտնվելու ժամկետը:
«Կոչ ենք անում ՄԱԿ-ի անվտանգության խորհրդի մշտական անդամներին պարտադրել Ադրբեջանին կատարելու Բերձորի միջանցքի վերաբերյալ Արդարադատության միջազգային դատարանի որոշումը: Արձանագրելով, որ ղարաբաղյան հակամարտությունը վերջնական կարգավորում չի ստացել, դիմում ենք միջազգային հանրությանը, աշխարհի պետությունների խոհրդարաններին, միջազգային հումանիտար կազմակերպություններին՝ դատապարտել Ադրբեջանի ապօրինի քայլերը և ռազմատենչ վարքագծին տալ համարժեք գնահատականներ»,- ամրագրված է հայտարարության մեջ:
Ընդդիմությունը հայտարարությամբ ընդդիմությունը Արցախի հայրենակիցներին կոչ է անում պայքարել իր իրավունքերի համար:
Հարակից ելույթով հանդես եկած ՔՊ-ական պատգամավոր Մարիյա Կարապետտյանը նշեց, թե հայտարարության մեջ ասվում է, թե Ադրբեջանը խմբագրելով Պրահայում ձեռք բերված պայմանավորվածությունը, փակել է Լաչինի միջանցքը և դրանով պատասխանատվության բաժին է վերագրում նաև Հայաստանի իշխանություններին և այդ պատճառով միայն կարելի էր մերժել հայտարարությունը:
Կարապետյանը ընթերցեց մերժման տեքստ՝ հիշեցնելով որ լաչինի միջանցքով արդեն ԱԺ հայտարարության տեքստ ընդունվել է, իսկ ներկայացված հայտարարության մեջ չի խոսվում միջազգային փաստահավաք առաքելություն բերելու անհրաժեշտության մասին, այլ հարց է շեշտադրում:
ՔՊ պատգամավորները չմասնակցեցին քվեարկությանը և հայտարարությունը ընդդիմության 28 կողմ ձայնով մերժվեց: