Բրազիլիայի շուրջ 13 նահանգներում խափանվել է էլեկտրականությունը
Բրազիլիայի շուրջ 13 նահանգներում սպառողների գրեթե քառորդ մասը էլեկտրականությունից զրկվել է խափանման հետևանքով։ Այս մասին հայտնում է EFE գործակալությունը:
Խնդիրը վերաբերել է սպառողների 22,5 տոկոսին: Երկրի հյուսիսում և հյուսիս-արևելքում էլեկտրամատակարարման համակարգրերը մատակարարման աղբյուրներից անջատվել են: Ամենաշատը տուժել են Ռիո Գրանդե դու Նորտե, Պարաիբա և Մարանյան նահանգները, որտեղ քաղաքների մեծ մասն արդեն մի քանի ժամ հոսանքազրկված են:
Աշխատանքը դադարեցրել է հասարակական տրանսպորտը, այդ թվում՝ մետրոն և տրամվայները, ինչը քաղաքացիների շրջանում անկարգությունների է հանգեցրել: Երկրի էներգետիկայի նախարար Ֆերնանդու Կոելյո Ֆիլյոյի տեղեկացմամբ՝ անջատման պատճառը Պարա նահանգում Բելու Մոնտի հիդրոէլեկտրակայանի խափանումն է:
Աղբյուրը` այստեղ
Հետևի՛ր մեզ քեզ հարմար սոցիալական ցանցում