Արոնյանը միավորը կիսեց Անանդի հետ
Հայ առաջատար շախմատիստ Լևոն Արոնյանը կիսեց միավորը աշխարհի նախկին չեմպիոն Վիշի Անանդի հետ:
«Grenke Chess Classic»-ն շախմատի միջազգային մրցաշարն ընթանում է գերմանական Բադեն-Բադեն քաղաքում, որի 3-րդ տուրում Արոնյանը սև խաղաքարերով կիսել է միավորն աշխարհի նախկին չեմպիոն Վիշի Անանդի հետ: Պարտիան ավարտվել է 31-րդ քայլում:
«GRENKE Chess Classic» մրցաշարը մեկնարկել է մարտի 31-ին և կավարտվի ապրիլի 9-ին: Անցյալ տարի Արոնյանն այս մրցաշարի հաղթող էր դարձել՝ 7 հնարավորից վաստակելով 5.5 միավոր և միանգամից 1.5 միավորով առաջ անցնելով 2-3-րդ հորիզոնականները զբաղեցրած Մագնուս Կարլսենից և Ֆաբիանու Կարուանայից:
Հետևի՛ր մեզ քեզ հարմար սոցիալական ցանցում