Սաուդյան Արաբիայում առաջարկում են հանել կանանց՝ դատավոր նշանակելու արգելքը
Սաուդյան Արաբիայի Մեջլիս աշ Շուրան (խորհրդատվական խորհուրդը) առաջարկել է օրենսդրական փոփոխություն կատարել՝ հանելով կանանց՝ դատավոր աշխատելու արգելքը։
Պարբերականի աղբյուրները հայտնել են, որ առաջարկը վերաբերում է դատական համակարգի մասին օրենքի 31-րդ հոդվածի փոփոխությանը, որով պետք է վերացվի պաշտոնների նշանակման ժամանակ սեռային խտրականությունը, որը մոտ ժամանակներս հնարավորություն կտա իրավունքի, շարիաթի և փաստաթղթաշրջանառության ֆակուլտետի շրջանավարտ աղջիկներին ընդհանուր իրավասության դատարաններում աշխատել որպես դատավորներ։
Սաուդյան Արաբիայի թագավորը հոկտեմբերին հրաման է արձակել, որը թույլ է տալիս կանանց մեքենա վարել, իսկ 2018 թվականին թագավորությանում կանայք կկարողանան երկրի մարզադաշտերում մարզական միջոցառումների հաճախել։
Սաուդյան Արաբիան, որը համարվում է աշխարհի ամենապահպանողական երկիրը, շատ ոլորտներում սահմանափակում է կանանց իրավունքները։ Կանայք Սաուդյան Արաբիայում իրավաբանորեն և ֆիզիկապես կախված են իրենց հովանավոր-տղամարդկանցից։