ԱՄՆ Կոլորադո նահանգի մայրուղիներից մեկը անվանակոչվել է «Սարդարապատի Մայրուղի»
Կոլորադո նահանգի Ներկայացուցիչների պալատը և Սենատը համատեղ 18-1019 բանաձևը ընդունել են միաձայն՝ համապատասխանաբար ապրիլի 24֊ին և 25֊ին կայացած նիստերում։
Համաձայն այդ բանաձևի՝ Հայաստանի Առաջին Հանրապետության հարյուրամյա հոբելյանին ընդառաջ՝ ԱՄՆ Կոլորադո նահանգի գլխավոր մայրուղիներից մեկը վերանվանվել է «Սարդարապատի Մայրուղի»:
«Կոլորադոյի Հայ Դատի Գրասենյակի և Կոլորադոյի Հայեր կազմակերպության «Սարդարապատ Մայրուղի» ստեղծելու այս խենթ, բայց հաջողված, նախագիծը սիրով և համերաշխությամբ նվիրում ենք Հայաստանի Հանրապետության մերօրյա հերոսներին` մեր անվախ, ազատատենչ, ու խաղաղասեր ցուցարարներին, ովքեր կերտում են ժողովրդավար և արդար Հայաստան», ֊ իր ֆեյսբուքյան էջում գրել է Ամերիկայի Հայ դատի հանձնախմբի Արևմտյան տարածաշրջանի ներկայացուցիչ Սիմոն Մաղաքյանը։
Հետևի՛ր մեզ քեզ հարմար սոցիալական ցանցում