Բողոքի ակցիաներ են իրականացվում նաև մարզերում
Ավելի մեծ թափով շարունակվում են բողոքի երթերն ու ակցիաները։ Փակ են Աբովյան պողոտան մի քանի խաչմերուկներում, Մյասնիկյան, Արշակունյաց, Տիգրան Մեծ, Խանջյան փողոցները, կամուրջներ, Երևանից մարզեր ավտոճանապարհները։
Այս պահին Գյումրիում, Արմավիրում և այլ մարզերում գործադուլ է և դասադուլ։ Հազարավոր քաղաքացիներ Գյումրիում մտել են քաղաքապետարան և պահանջում են, որ քաղաքապետը միանա իրենց, ինչպես նաև հորդորի իր աշխատակիցներին, որպեսզի նրանք էլ միանան համաժողովրդական շարժմանը։ Շիրակի քաղաքապետարանը շրջափակված է, աշխատակիցները չեն կարողանում մտնել շենք և աշխատել՝ հարկադրական գործադուլի մեջ են։ Բարձր դասարանի աշակերտներ և ուսանողներ դասադուլ են անում՝ դուրս գալով գլխավոր հրապարակ։
Հետևի՛ր մեզ քեզ հարմար սոցիալական ցանցում