Վարչապետի թեկնածուն հանդիպել է Հայաստանում հավատարմագրված դեսպանների հետ
Վարչապետի թեկնածու առաջադրված, ԱԺ պատգամավոր Նիկոլ Փաշինյանն այսօր հանդիպումներ է ունեցել Հայաստանում հավատարմագրված չորս դեսպանների հետ: Այս մասին տեղեկանում ենք ֆեյսբուքյան իր էջում։
«Այսօր հանդիպումներ ունեցա Հայաստանում ՌԴ արտակարգ և լիազոր դեսպանի, Հայաստանում ԱՄՆ արտակարգ և լիազոր դեսպան Ռիչարդ Միլսի, Հայաստանում Եվրամիության դեսպան Պյոտր Սվիտալսկիի, Հայաստանում Վրաստանի արտակարգ և լիազոր դեսպան Գիորգի Սագանելիձեի հետ։
Դեսպաններին տեղյակ պահեցի ներքաղաքական ճգնաժամի հանգուցալուծման վերաբերյալ ձեռքբերված պայմանավորվածությունների մասին:
Նաև քննարկեցինք հարաբերությունների օրակարգին վերաբերվող այլ հարցեր։ Հայաստանում հավատարմագրված դիվանագետների հետ հանդիպումները կշարունակվեն»։
Հետևի՛ր մեզ քեզ հարմար սոցիալական ցանցում