Վարչապետի աշխատակազմի մի քանի աշխատակիցներ ազատվել են իրենց պաշտոններից
Կարեն Կարապետյանը՝ վարչապետի պաշտոնակատարի լիազորությունները վայր դնելուց առաջ, պաշտոնանկությունների վերաբերյալ հրամանագրեր է ստորագրել: Մասնավորապես․
- Ալեքսան Հարությունյանն ազատվել է վարչապետի գլխավոր խորհրդականի պաշտոնակատարի պաշտոնից,
- Վլադիմիր Հակոբյանը՝ վարչապետի օգնականի պաշտոնակատարի պաշտոնից,
- Միքայել Հարությունյանը՝ գլխավոր ռազմական տեսուչի պաշտոնակատարի պաշտոնից,
- Վահե Ստեփանյանը՝ ՀՀ կառավարության աշխատակազմի ղեկավարի պաշտոնից:
- Արտակ Դավթյանը՝ Պաշտպանության նախարարի տեղակալի պաշտոնից:
- Զոյա Բարսեղյանը՝ ՀՀ կառավարության աշխատակազմի տեղեկատվության և հասարակայնության հետ կապերի վարչության պետի պաշտոնից:
Տեղեկությունը ստացվել է Կառավարության պաշտոնական կայքէջից։
Հետևի՛ր մեզ քեզ հարմար սոցիալական ցանցում