Կայացան «Լեսթեր Սիթի»-«Արսենալ» և «Չելսի»-«Հադերսֆիլդ» ֆուտբոլային հանդիպումները
Անգլիայի առաջնությունում տեղի ունեցան նախորդ տուրերից տեղափոխված հանդիպումներ: Լոնդոնի «Արսենալը» հյուրընկալվելով «Լեսթեր Սիթիին» պարտություն կրեց:
Ֆրանսիացի Արսեն Վենգերի գլխավորած թիմի մեկնարկային կազմում էր նաև Հայաստանի հավաքականի կիսապաշտպան Հենրիխ Մխիթարյանը, ով անցկացրեց ամբողջ հանդիպումը:
«Արսենալը» 60 միավորով 6-րդ տեղում է, «Լեսթերը» 47 միավորով 9-րդն է:
Լոնդոնի «Չելսին» հյուրընկալեց «Հադերսֆիլդին»:
«Չելսին» վաստակել է 70 միավոր, 5-րդն է և վերջին տուրից առաջ 2 միավորով հետ է մնում 4-րդ տեղում ընթացող «Լիվերպուլից»: «Հադերսֆիլդը» 16-րդ տեղում է՝ 37 միավոր: «Հադերսֆիլդը» մեկ միավորի շնորհիվ տեղը պահպանեց Պրեմյեր լիգայում՝ անհասանելի դառնալով 18-րդ տեղում գտնվող «Սուոնսիի» համար։
Անգլիայի առաջնություն,
31-րդ տուր - «Լեսթեր Սիթի» - «Արսենալ»՝ 3:1
35-րդ տուր - «Չելսի» - «Հադերսֆիլդ»՝ 1:1