ՀՀ նախագահ Արմեն Սարգսյանը նոր նշանակումներ է կատարել
ՀՀ նախագահ Արմեն Սարգսյանն այսօր՝ մայիսի 10-ին երկու նշանակման մասին հրամանագրեր է ստորագրել:
Հայաստանի ոստիկանապետի պաշտոնում նշանակվեց Երևանի փոխոստիկանապետ Վալերի Օսիպյանը:
«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի և «Ոստիկանությունում ծառայության մասին» Հայաստանի Հանրապետության օրենքի 13-րդ հոդվածի 2-րդ մասի՝
Վալերիյ Օսիպյանին նշանակել Հայաստանի Հանրապետության ոստիկանության պետ», - ասված է ՀՀ նախագահի հրամանագրում:
ՀՀ Ազգային անվտանգության ծառայության տնօրենի պաշտոնում էլ նախագահը նշանակել է Արթուր Վանեցյանին:
«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի և «Ազգային անվտանգության մարմինների մասին» Հայաստանի Հանրապետության օրենքի 4.1-ին հոդվածի 1-ին մասի.
Արթուր Վանեցյանին նշանակել Հայաստանի Հանրապետության ազգային անվտանգության ծառայության տնօրեն», - ասված է ՀՀ նախագահի հրամանագրում: