Մայիսի 28-ին Հայաստանի պատմության թանգարանում կանցկացվի ցուցահանդես նվիրված Հայաստանի Հանրապետության հիմնադրման և Մայիսյան հերոսամարտերի 100-րդ հոբելյանին, որը կկրի «Հայաստանի առաջին Հանրապետությունը՝ 100 տարվա հետահայաց» վերնագիրը

Ցուցադրության ընթացքում կներկայացվեն թեմատիկ ցուցանմուշներ, որոնք պատմական կարևորագույն նշանակություն և կարևորություն ունեն։ Խոսքը ինչպես Առաջին Հանրապետության խորհրդանիշերի, կարևոր փաստաթղթերի, այնպես էլ ժամանակի կենցաղն արտացոլող նյութերի, հագուստի նմուշների և այլ իրերի մասին է։ Ներկայացված ցուցանմուշներն առավել արտահայտիչ կդարձնեն հատուկ էֆեկտները՝ լուսային, ձայնային, վիզուալ, անիմացիոն։

Ցուցադրության մեկ այլ հատվածը ներկայացված կլինի Հայաստանի պատմության թանգարանի մուտքի առջև։