Հայոց ցեղասպանության մասին օրինագիծը կրկին Իսրայելի Քնեսեթում է
Իսրայելցի պատգամավոր Իցիկ Շմուլին «Սիոնիստական ճամբար» քաղաքական ալյանսից մայիսի 16-ին Քնեսեթի քննարկմանն է ներկայացրել Հայոց ցեղասպանությունը ճանաչելու վերաբերյալ օրինագիծը:
Օրինագիծը շրջանառության մեջ է դրվել Իսրայելի և Թուրքիայի հարաբերություններում լարվածության աճի ֆոնին, գրում է The Jerusalem Post-ը:
Երուսաղեմում ԱՄՆ դեսպատան բացումից ժամեր առաջ բողոքի ակցիաներ մեկնարկեցին Իսրայելի և Գազայի հատվածի սահմանին: Ըստ Պաղեստինի առողջապահության նախարարության տվյալների, մայիսի 14-ի երեկոյան անկարգությունների հետևանքով առնվազն 58 պաղեստինցնի է զոհվել, ևս 2700-ը՝ վիրավորվել: Ըստ ականատեսների, որոշ վայրերում պաղեստինցիները փորձել են կտրել պատնեշներն ու անցնել Իսրայելի տարածք: Իսրայելցի զինվորները կրակել են բողոքի ցույցերի մասնակիցների վրա:
Ըստ Շմուլիի, մինչ օրս Իսրայելը խուսափում էր Հայոց ցեղասպանությունը ճանաչելուց, չնայած որ այդ պատմական փաստն արդեն 29 երկիր ճանաչել է:
Ավելի վաղ Թուրքիայի նախագահ Էրդողանը Իսրայելի գործողությունները Գազայի հատվածում «ցեղասպանություն» էր անվանել:
Նման օրինագիծ էր պատրաստել նաև «Լիկուդից» ընտրված պատգամավոր Ամիր Օհանը: