«Եթե մենք միանգամից բոլորի հրաժարականը պահանջենք, դա ճիշտ մոտեցում չէ». Նիկոլ Փաշինյան
Այսօր՝ մայիսի 17-ին, կառավարության շենքի մոտ լրագրողների հետ զրույցում ՀՀ վարչապետ Նիկոլ Փաշինյանը՝ անդրադառնալով Երևանի քաղաքապետ Տարոն Մարգարյանի և այլ պաշտոնյաների հրաժարականի պահանջին, նշել է․
«Եթե մենք միանգամից բոլորի հրաժարականը պահանջենք, դա ճիշտ մոտեցում չէ»: Փոխանցում է news.am-ը։
Նրա խոսքով, պետք է հարցերին մոտենալ փուլ առ փուլ և հասկանալ՝ ում հրաժարականն ինչու ենք պահանջում:
Անդրադառնալով Ալեքսանդր Մյասնիկյանի արձանի հետնամասի այգում ավելի քան 25 ծառեր հատելու և շինարարություն սկսելուն, վարչապետը նշեց.
«Ես այգու նախագծին ծանոթ չեմ, բայց որքան հասցրել եմ հետևել, այգին վերակառուցվելու է և բոլոր հատված ծառերի փոխարեն տնկվելու են նոր ծառեր: Մենք կհետևենք, որ այդպես լինի»:
Հետևի՛ր մեզ քեզ հարմար սոցիալական ցանցում