Թբիլիսիի մետրոպոլիտենի աշխատակիցները գործադուլ են հայտարարել
Վրաստանի մայրաքաղաքն այսօր հայտնվել է տրանսպորտային կոլապսի մեջ: Դա տեղի է ունեցել այն բանից հետո, երբ Թբիլիսիի մետրոպոլիտենի մեքենավարները անժամկետ գործադուլ են հայտարարել` պահանջելով բարձրացնել իրենց վճարվող աշխատավարձերը:
«Գործադուլը կշարունակվի այնքան ժամանակ, քանի դեռ մետրոպոլիտենի մեքենավարների աշխատավարձը չի բարձրացվել 45 տոկոսով», - հայտարարել է «Էրթոբա 2013» անկախ արհմիության անդամ, մետրոյի մեքենավար Բեսո Գոգիչաշվիլին:
Թբիլիսիի քաղաքապետ Կախա Կալաձեն այսօր հանդես է եկել հատուկ հայտարարությամբ` կոշտ քննադատության ենթարկելով մետրոպոլիտենի աշխատակիցների գործողությունները:
«Ես թույլ չեմ տա, որպեսզի մայրաքաղաքի բնակչությունը տուժի շանտաժի և անհասկանալի վերջնագրերի պատճառով», - հայտարարել է Կալաձեն: Փոխանցում է «Ազատություն»-ը։
Հետևի՛ր մեզ քեզ հարմար սոցիալական ցանցում