Բուլղարիան վավերացրեց Հայաստան-ԵՄ համաձայնագիրը
Բուլղարիայի խորհրդարանը հունիսի 13-ին վավերացրել է Հայաստան-Եվրամիություն Համապարփակ և ընդլայնված գործընկերության մասին համաձայնագիրը:
«Այսպիսով, ԵՄ Խորհրդում նախագահող Բուլղարիայի Հանրապետությունը դարձել է ԵՄ-ի անդամ երկրներից առաջիններից մեկը, որը վավերացրել է այս համաձայնագիրը: Մենք ակնկալում ենք շարունակել աշխատել մեր հայ գործընկերների հետ դրա իրականացման համար», - ասված է այս առիթով Հայաստանում Բուլղարիայի դեսպանատան հրապարակած հայտարարությունում:
Հիշեցնենք, որ ՀՀ-ԵՄ Համապարփակ և ընդլայնված գործընկերության մասին համաձայնագիրը ստորագրվել է 2017թ. նոյեմբերի 24-ին Բրյուսելում: Ապրիլի 11-ին ՀՀ Ազգային ժողովը միաձայն վավերացրեց համաձայնագիրը:
Նշենք, որ փաստաթուղթը վավերացրել են Լատվիայի, Լիտվայի, Էստոնիայի և Լեհաստանի խորհրդարանները:
Հետևի՛ր մեզ քեզ հարմար սոցիալական ցանցում