Տիմոշենկոն պատրաստվում է առաջադրվել հաջորդ տարվա նախագահական ընտրություններում
Ուկրաինայում ընդդիմադիր առաջնորդ, նախկին վարչապետ Յուլիա Տիմոշենկոն հայտարարել է, թե պատրաստվում է առաջադրվել հաջորդ տարի գարնանը կայանալիք նախագահական ընտրություններում:
«Իմ նպատակն է ոչ թե բռնապետություն կամ մենիշխանություն խաղալ, այլ կրկին ոտքի կանգնեցնել Ուկրաինան», - պնդել է «Բատկիվշինա» կուսակցության առաջնորդը՝ պատասխանելով Ֆեյսբուքի օգտատերերի հարցերին:
Հիշեցնենք, որ 57-ամյա ընդդիմադիր գործիչը երկու անգամ արդեն պարտվել է նախագահական ընտրություններում, սակայն, այժմ, ըստ սոցիոլոգիական հարցումների, գործող նախագահ Պետրո Պորոշենկոյին գրեթե հավասար վարկանիշ ունի:
Հետևի՛ր մեզ քեզ հարմար սոցիալական ցանցում