Նարինե Մարգարյանը նշանակվել է Հայոց ցեղասպանության թանգարան-ինստիտուտի տնօրենի պաշտոնակատար
Հայոց ցեղասպանության թանգարան-ինստիտուտի տնօրենի ժամանակավոր պաշտոնակատար է նշանակվել գիտխորհրդի քարտուղար Նարինե Մարգարյանը։ Որոշումը կայացվել է այսօր՝ թանգարան-ինստիտուտ ՊՈԱԿ-ի հոգաբարձուների խորհրդի նիստի ժամանակ, բաց քվեարկությամբ։
Հոգաբարձուների խորհրդի 15 անդամներից 11-ն այսօր նաև որոշել են, որ առաջիկայում հայտարարվելու է տնօրենի թափուր հաստիքի մրցույթ։
Նշենք, որ տնօրենի պաշտոնը թափուր է դեռ 2017թ․-ի փետրվարից, երբ լրացել էր նախկին տնօրեն Հայկ Դեմոյանի պաշտոնավարման ժամկետը։
Ըստ կրթության ու գիտության փոխնախարար Հովհաննես Հովհաննիսյանի, այս նշանակումը 2 ամիս ժամկետով է, «մինչև համապատասխան ընթացակարգով կհայտարարվի տնօրենի թափուր հաստիքի համար մրցույթ և հոգաբարձուների խորհուրդը կընտրի տնօրեն»։
Հետևի՛ր մեզ քեզ հարմար սոցիալական ցանցում