Բնակիչները փակել են Իջևան տանող ճանապարհը. Պահանջում են թույլատրել անտառահատումները
Հուլիսի 24-ի ուշ երեկոյան լարված իրավիճակ էր ստեղծվել Տավուշի մարզում: Բնակիչները փակել են դեպի Իջևան տանող ճանապարհը, որի պատճառով երթևեկությունն ուղղակի կաթվածահար է եղել:
Ճանապարհ փակած գյուղացիները պահանջում են, որ կառավարությունը թույլ տա` գյուղացիները մտնեն անտառ և հատումներ իրականացնեն: Հավաքված մարդկանց թիվը մեծ է, տեղում է նաև Տավուշի մարզպետ Վահե Ղալումյանը:
Ճանապարհների փակ լինելու պատճառով մեծ թվով մարդիկ, այդ թվում զբոսաշրջիկներ մնացել են ճանապարհին:
Արտակարգ իրավիճակ է ստեղծվել: Ընդ որում, ավտոմեքենաների մեջ կան երեխաներ, մեծ թվով ուղևորներ, սակայն գյուղացիները վճռականորեն պնդում են, որ չեն բացելու ճանապարհը մինչև հարցը չլուծվի:
Աղբյուրը` այստեղ
Հետևի՛ր մեզ քեզ հարմար սոցիալական ցանցում