Գեներալ-գնդապետ Յուրի Խաչատուրովին մեղադրանք է առաջադրվել
2018 թվականի հուլիսի 26-ին ՀԱՊԿ գլխավոր քարտուղար Յուրի Խաչատուրովին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:
Քննիչը միջնորդություն է ներկայացրել Երևան քաղաքի ընդհանուր իրավասության առաջին ատյանի դատարան` Յուրի Խաչատուրովի նկատմամբ կալանավորումը որպես խափանման միջոց ընտրելու համար:
Նշենք, որ 2008-ին նա պաշտպանության նախարարի տեղակալն էր։ Այն ժամանակ պաշտպանության նախարարը Միքայել Հարությունյանն էր, ում նույնպես նույն հոդվածով մեղադրանք էր առաջադրվել։ Այս պահին դատարանը քննում է ՀՀ երկրորդ նախագահ Ռոբերտ Քոչարյանին կալանավորելու միջնորդությունը։
Հետևի՛ր մեզ քեզ հարմար սոցիալական ցանցում