Գործադիրը $195 մլն-ի ներդրումային ծրագիր է հաստատել Մեղրու ԱՏԳ-ում
ՀՀ կառավարության օգոստոսի 9-ի նիստում հաստատվել է «Բոնվառոն» ՍՊԸ-ին «Մեղրի» ազատ տնտեսական գոտու տարածքում շահագործողի թույլտվություն տալու որոշումը՝ մշակող արդյունաբերության, առևտրի, լոգիստիկ ոլորտներում գործունեություն ծավալելու նպատակով. ընկերությունը կիրականացնի մոտ $195 մլն-ի ներդրումային ծրագիր:
Տնտեսական զարգացման և ներդրումների նախարար Արծվիկ Մինասյանի խոսքով, ծրագրով նախատեսվում է արտահանման տարեկան ծավալները $1 մլն-ից հասցնել $5,1 մլն-ի: Արտահանման ուղղություններն են Ռուսաստանը, Իրանը, Վրաստանը և այլն:
Ծրագրով կստեղծվի 102 նոր աշխատատեղ:
Հետևի՛ր մեզ քեզ հարմար սոցիալական ցանցում