ՀՀ արդարադատության նախարար Արտակ Զեյնալյանը Կարմիր Խաչի հայաստանյան պատվիրակության անդամների հետ հանդիպմանը հայտնել է, որ ընտանիքի հետ կապի ամրապնդման նկատառումներով կրկնապատկվել են ցմահ դատապարտյալների կարճատև տեսակցությունները, իսկ համապատասխան պայմանների ապահովման դեպքում կվերանայվի նաև երկարատև տեսակցությունների քանակը, հայտնում է ԱՆ մամուլի ծառայությունը:

Նախարար Զեյնալյանը Կարմիր Խաչի հայաստանյան պատվիրակության ներկայացուցիչներից հետաքրքրվել է նաև Ադրբեջանում գերեվարված Տավուշի մարզի Բերդավան համայնքի 34-ամյա բնակիչ Կարեն Ղազարյանի վերաբերյալ Կարմիր Խաչի միջազգային կոմիտեի գործողություններից և խնդրել առավել հաճախակի տեսակցել նրան՝ հաշվի առնելով նրա առողջական վիճակը և այն հանգամանքը, որ նա լինելով քաղաքացիական անձ, Ադրբեջանի կողմից ներկայացվում է որպես զինվորական: