Աշխարհի Top-100 ռազմարդյունաբերական ընկերությունների ցանկը ըստ ամերիկյան Defense News-ի
Ամերիկյան Defense News կայքը հրապարակել է աշխարհի 100 խոշորագույն ռազմարդյունաբերական ընկերությունների ցանկը։
Առաջին տասը հորիզոնականները զբաղեցնում են ամերիկյան, բրիտանական, նիդեռլանդա-ֆրանսիական, ֆրանսիական, իտալական և ռուսական ընկերությունները:
Ցանկը գլխավորում է ամերիկյան Lockheed Martin ($47,9 մլրդ) ընկերությունը։ Այս տարի երկրորդ տեղում է ամերիկյան Raytheon-ը ($23,5 մլրդ), երրորդ տեղում՝ բրիտանական BAE Systems (22,3 մլրդ), և չորրորդ տեղում՝ Northrop Grumman (21,7 մլրդ) ընկերությունը: Անցած տարի երկրորդ տեղը զբաղեցնող Boeing (20,5 մլրդ) ընկերությունը զիջել է դիրքերը և հայտնվել է հինգերորդն հորիզոնականում։
Այս տարի ռուսական 6 ընկերություն հայտնվել են լավագույն 100-յակի մեջ։ Առաջատարը «Ալմազ-Անտեյ» ընկերությունն է, նախորդ տարվա 11-ի փոխարեն այս տարի 8-րդ հորիզոնականներում է, եկամուտը կազմել է $9,125 մլրդ ՝ նախորդ տարվա համեմատ աճելով 39%-ով։
100 խոշորագույն ընկերությունների ցուցակում են նաև թուրքական 4 (Ասելսան, ԹԱԻ, ՍԹՄ, Ռոքեթսան) ընկերությունները: «Ասելսանը» ընկերությունը անցած տարվա համեմատ երկու հորիզոնականով բարձրացել է՝ 57-ից զբաղեցնելով 55-րդ հորիզոնականը։ 2017-ին արտադրանքների վաճառքից գոյացած եկամուտը կազմել է $1,424 մլրդ: «ԹԱԻ»-ի եկամուտը կազմել է շուրջ 1,89 մլրդ : Ընկերությունը զիջել է դիրքերը երեք հորիզոնականով՝ զբաղեցնելով 64-րդ հորիզոնականը: «ՍԹՄ» և «Ռոքեթսան» ընկերությունները համապատասխանաբար զբաղեցնում են 97-րդ և 96-րդ հորիզոնականները։
Լավագույն 100-յակի մեջ են մտնում նաև հետեևյալ երկրները ներկայացնող ընկերություն(ներ)ը - Հարավային Կորեա, Գերմանիա, Իսրայել, Շվեդիա, Հնդկաստան, Սինգապուր, Ճապոնիա, Իտալիա, Ավստրալիա, Բրազիլիա, Ուկրաինա, Շվեյցարիա, Կանադա, Նորվեգիա, Իսպանիա, Հարավաֆրկյան Հանրապետություն, Ֆինլանդիա։
Աղյուսակում համեմատված են նաև 2016 և 2017թթ․-ին ռազմական նշանակության արտադրանքներից ստացած եկամուտները։
2018 |
2017 |
ընկերություն |
երկիր |
2017 թ. եկամուտ(մլրդ) |
2016 թ. եկամուտ(մլրդ) |
% |
---|---|---|---|---|---|---|
1 | 1 | Lockheed Martin | ԱՄՆ | $47,985.00 | $43,468.00 | 10% |
2 | 4 | Raytheon Company | ԱՄՆ | $23,573.64 | $22,384.17 | 5% |
3 | 3 | BAE Systems | Մեծ Բրիտանիա | $22,380.04 | $23,621.84 | -5% |
4 | 5 | Northrop Grumman | ԱՄՆ | $21,700.00 | $20,200.00 | 7% |
5 | 2 | Boeing | ԱՄՆ | $20,561.00 | $20,180.00 | 2% |
6 | 6 | General Dynamics | ԱՄՆ | $19,587.00 | $19,696.00 | 1% |
7 | 7 | Airbus | Նիդերլանդ–Ֆրանսիա | $11,185.91 | $12,321.00 | -9% |
8 | 11 | Almaz-Antey | Ռուսաստան | $9,125.02 | $6,581.69 | 39% |
9 | 10 | Thales | Ֆրանսիա | $8,926.13 | $8,362.00 | 7% |
10 | 9 | Leonardo | Իտալիա | $8,856.48 | $8,526.22 | 4% |
Ամբողջ ցուցակը տեսնելու համար անցեք հետևյալ հղումով։