ՀՀԿ-ն պատրաստ է գործակցել բոլոր քաղաքական ուժերի, այդ թվում՝ Քոչարյանի հետ
Լրագրողների հետ զրույցում ԱԺ փոխնախագահ Էդուարդ Շարմազանովը հայտարարել է, որ ՀՀ երկրորդ նախագահ Ռոբերտ Քոչարյանը որպես քաղաքական գործիչ լուրջ ասելիք ու անելիք ունի հայաստանյան քաղաքական դաշտում և ՀՀԿ-ն պատրաստ է համագործակցել բոլոր քաղաքական ուժերի, այդ թվում՝ Ռոբերտ Քոչարյանի հետ։
Ըստ Շարմազանովի Ռոբերտ Քոչարյանն ունի և՛ բարոյական, և՛ քաղաքական, և՛ իրավական իրավունք զբաղվել քաղաքականությամբ:
«Կարծում եմ՝ այո, նա կզբաղվի քաղաքականությամբ, արդեն իսկ զբաղվում է քաղաքականությամբ» - ասել է Շարմազանովը:
Անդրադառնալով այն հարցին, թե արդյոք ՀՀԿ-ն կկոնսոլիդացվի ՀՀ 2-րդ նախագահի շուրջ՝ Էդուարդ Շարմազանովն ասել է, որ ՀՀԿ-ն կոնսոլիդացված է իր գաղափարների, օրակարգի շուրջ: «Ով այդ պայքարում, այդ օրակարգում կօժանդակի ՀՀԿ-ին, կլինի մեր դաշնակիցը, մենք պատրաստ ենք համագործակցել բոլոր քաղաքական ուժերի, այդ թվում՝ Ռոբերտ Քոչարյանի հետ»,- ասել է ԱԺ փոխնախագահը:
Հիշեցնենք, որ մարտի 1-ի գործով մեղադրյալ ՀՀ երկրորդ նախագահ Ռոբերտ Քոչարյանը «Երկիր Մեդիա» հեռուստաընկերությանը տված հարցազրույցում հայտարարել է, որ ինքը վերդարձել է քաղաքականություն: