Հայաստանն այն 25 երկրի թվում է, որոնք պահանջարկ ունեն ռուսաստանցի զբոսաշրջիկների շրջանում: Այդ մասին հայտնում է վերլուծական Տուրստատ գործակալությունը, որը կազմել է ռուս զբոսաշրջիկների կողմից 2018թ-ի առաջին 6 ամսում պահանջված երկրների վարկանիշը:

2018թ-ի առաջին կիսամյակում ընդհանուր առմամբ ռուսաստանցի զբոսաշրջիկների արտասահմանյան ճամփորդությունների քանակն աճել է՝ հասնելով 18,6 մլն, ինչև 9 տոկոսով ավելի է, քան 2017թ-ին:

2018թ-ի առաջին կիսամյակում ռուսաստանցի զբոսաշրջիկների կողմից պահանջված երկրների առաջին տասնյակում են Թուրքիան, Աբխազիան, Ֆինլանդիան, Ղազախստանը, Ուկրաինան, Չինաստանը, Թայլանդը, էստոնիան, Գերմանիան և ՄԱԷ-ն:

Նշենք, որ 2018թ-ի առաջին կիսամյակում ՀՀ-ից ՌԴ է մեկնել մոտ 260.000 մարդ, ինչը 8 տոկոսով պակաս է, քան 2017թ-ի նույն ժամանակաշրջանում: