Կվերանորոգվի Մովսես գյուղ տանող ճանապարհը
Տավուշի մարզի սահմանամերձ Մովսես գյուղ տանող ճանապարհը կբարեկարգվի:
Այս մասին տարածքային կառավարման և զարգացման ոլորտի ընթացիկ աշխատանքների ամփոփմանը նվիրված մամուլի ասուլիսի ժամանակ ասաց ՀՀ տարածքային կառավարման և զարգացման նախարար Սուրեն Պապիկյանը: Փոխանցում է Armenpress-ը։
Նրա խոսքով` ծրագիրը իրականություն է դառնալու ի շնորհիվ Մովսես գյուղի երկու ռուսաստանաբնակ բնակիչների 200 հազար դոլար ներդրման:
«Այս պահին միջոցները թույլ չեն տալիս, որ նախարարությունը համաֆինանսավորի այդ ծրագիրը, բայց մենք ամեն ինչ անելու ենք, որ մեր հայրենակիցների հայրենանվեր քայլը իրականություն դառնա»,-ասաց նա:
Հետևի՛ր մեզ քեզ հարմար սոցիալական ցանցում