Ռուսաստանը պատասխանատվության կենթարկվի ԱՄՆ-ի շահերի դեմ գործողություններ անելու համար
ԱՄՆ-ը պահպանում է Ռուսաստանի հետ համագործակցության տրամադրվածությունն այն ոլորտներում, որտեղ դա համընկնում է երկու երկրների ընդհանուր շահերին։
Այս մասին, ՏԱՍՍ-ի փոխանցմամբ, հայտարարել է ԱՄՆ պետքարտուղար Մայք Պոմպեոն՝ երկուշաբթի ելույթ ունենալով Նյու Յորքում կայացած ճեպազրույցում։
«Մենք փորձում ենք հայտնաբերել բոլոր ոլորտները, որտեղ ունենք ընդհանուր շահեր, և որտեղ կարող ենք աշխատել ռուսների հետ միասին», - ասել է Պոմպեոն՝ հավելելով, որ կան նաեւ բազմաթիվ ոլորտներ, որտեղ Ռուսաստանն աշխատում է ամերիկյան շահերի դեմ։
«Մենք պատասխանատվության կենթարկենք նրանց այդպիսի գործողությունների համար», - հայտարարել է պետքարտուղարը։
Հետևի՛ր մեզ քեզ հարմար սոցիալական ցանցում