Սյունիքի նախկին մարզպետը դադարեցնում է անդամակցությունը «Բարգավաճ Հայաստան» կուսակցությանը
Սյունիքի արդեն նախկին մարզպետ Կարեն Համբարձումյանը հայտարարել է «Բարգավաճ Հայաստան» կուսակցությանն անդամակցության դադարեցման մասին։
«Հոկտեմբերի 4-ին ես դիմում էի գրել պաշտոնից ազատվելու համար, և ՀՀ կառավարության որոշումով ազատվեցի Սյունիքի մարզպետի պաշտոնից:
Այդուհանդերձ, իմ ծառայությունը Սյունիքին ու մեր հանրապետությանը ես ավարտված չեմ համարում և քանի որ անտարբեր չեմ մեր մարզում ու երկրում ընթացող քաղաքական իրողությունների հանդեպ և լսելով այս վերջին օրերին ինձ հղված` իմ հայրենակիցների հորդորները, կոչերը, որոնք չեմ կարող հաշվի չառնել` ես դադարեցնում եմ նաև իմ անդամակցությունը «Բարգավաճ Հայաստան» կուսակցությանը», - մասնավորապես գրել է Համբարձումյանը։
Հետևի՛ր մեզ քեզ հարմար սոցիալական ցանցում