Արցախ այցելած հայտնի կանայք հայտնվել են «Բաքվի սև ցուցակում»
Ադրբեջանի ԱԳՆ-ն «սև ցուցակում» է ընդգրկել վերջերս ՀՀ վարչապետի տիկին Աննա Հակոբյանի հրավերով Արցախ այցելած ՌԴ հայտնի կանանց: «Սև ցուցակում» են հայտնվել ՌԴ Պետդումայի միջազգային գործերի կոմիտեի փոխնախագահ Սվետլանա Ժուրովան, գրող Լյուդմիլա Ուլիցկայան և Հոսփիսների օգնության «Վերա» բարեգործական հիմնադրամի հիմնադիր Աննա Ֆեդերմեսսերը:
Անցանկալի անձանց ցուցակում Ադրբեջանն ընդգրկել է նաև «Կամավորներ՝ ի օժանդակություն որբ երեխաների» բարեգործական հիմնադրամի ղեկավար Ելենա Ալշանսկայային, լրագրողներ Կատերինա Գորդեևային և Կիրա Ալտմանին:
Նշենք, որ Ուլիցկայան, Ֆեդերմեսսերը, Ժուրովան և այլոք այցելել են Արցախ հոկտեմբերի սկզբին «Կանայք հանուն խաղաղության» ակցիայի շրջանակում, որը նախաձեռնել էր ՀՀ վարչապետի տիկին Աննա Հակոբյանը:
Հետևի՛ր մեզ քեզ հարմար սոցիալական ցանցում