Հնարավոր է Ուկրաինայում ՀՀ դեսպան նշանակվի Չեխիայում ՀՀ դեսպան Տիգրան Սեյրանյանը
«Ուկրաինայում ՀՀ նախկին դեսպան Անդրանիկ Մանուկյանին կփոխարինի Չեխիայում ՀՀ դեսպան Տիգրան Սեյրանյանը», - այս մասին գրում է «Հրապարակ» օրաթերթը։
Ի դեպ, նախկին իշխանությունների ներկայացուցիչ, ԲՀԿ առաջնորդ Գագիկ Ծառուկյանի խնամի Անդրանիկ Մանուկյանն ինքն էր դիմում գրել, և չի բացառվում, որ մնա Ուկրաինայում, ասում են՝ աշխատանքի առաջարկ է ստացել Պորոշենկոյից:
Ինչպես են համատեղվելու ՌԴ-ի «օպոնենտ» պարոն Պորոշենկոյի ու Անդրանիկ Մանուկյանի շահերը: Նշենք, որ Պորոշենկոյի ամենամեծ գործարանը գտնվում է Ռուսաստանում: Ինչ վերաբերում է Մանուկյանին, ապա Ուկրաինայում 3 ամսից ընտրություններ են:
Այլ փոփոխություններ էլ են սպասվում, մասնավորապես՝ Ավստրիայում ՀՀ դեսպան Արման Կիրակոսյանը, հավանաբար, կնշանակվի Լոնդոնում դեսպան, ԱԳ նախարարի տեղակալ Արմեն Պապիկյանն Ավստրիա կմեկնի, Լիբանանում ՀՀ դեսպան Սամվել Մկրտչյանը՝ Լեհաստան, իսկ Լիբանան կգնա ԱԳ նախարարի խորհրդական Վահագն Աթաբեկյանը: