ՀՀԿ-ում կարծում են, թե ԱԺ ընտրություններին իրենց մասնակցությունը 99,9 տոկոս որոշված է
ՀՀԿ-ում կարծում են, որ ԱԺ ընտրություններին իրենց մասնակցությունը 99,9 տոկոս որոշված է, մնում է վերջնական վերդիկտը դնեն: ՀՀԿ ԳՄ-ում, սակայն, այնքան էլ միանշանակ չէ մասնակցության հարցը: Դավիթ Հարությունյանը կարծում է. որ գուցե պետք է մասնակցել, սակայն ռիսկերը շատ են, Մուշեղ Լալայանը՝ պետք չէ մասնակցել, եթե մասնակցել, ապա նոր անուններով, իսկ «վարկաբեկված» անունները կարող են նստել գրասենյակում և օգնել ֆրակցիային», - գրում է «Հրապարակ» թերթը։
«Ցուցակի կազմմանը պետք է մասնակցեն տարածքային կառույցները, որպեսզի հասարակությունը զգա, որ ՀՀԿ-ն կա, շարունակվում է: Հայտնիներն էլ պնդում են, որ «եթե մեռնել, ապա ոտքի վրա»՝ մինչև վերջին շունչը պայքարելով:
Ընդ որում, կարծում են, որ լայն ցուցակով պետք է ներկայանալ ընտրողին. Վիգեն Սարգսյանը հանդիպել է Դավիթ Շահնազարյանին, Վազգեն Մանուկյանին, և կարծիք կա, որ նման գործիչներ պետք է ներկայացված լինեն իրենց ցուցակում», - գրում է թերթը: