Կանադայում մահացել է Ցեղասպանությունը վերապրած 106-ամյա հայուհին
Կանադայի Տորոնտո քաղաքում 106 տարեկանում հեռացել է կյանքից Հայոց ցեղասպանության վերջին ականատեսներից մեկը՝ Սիրվարդ Քուրդյանը:
«Սիրվարդը 2 տարեկան էր, երբ նրա հայրը և Էրզրումի բոլոր տղամարդիկ դաժանորեն սպանվեցին: Այդպես սկսվեց նրա գաղթի ճամփան՝ մոր, քույրերի և եղբայրների հետ, սկզբից իրաքյան Մոսուլ, հետո՝ Սիրիա, Հալեպ»,- գրում է Կանադայում հրատարակվող Horizon Weekly հայկական պարբերականը:
Սիրիայում Սիրվարդն ամուսնացել է հայազգի Խաչիկ Քուրդյանի հետ, իսկ 1990-ականների սկզբին նրանք ընտանիքով տեղափոխվել են Կանադա:
Ավելի վաղ հայտնի դարձավ Ցեղասպանությունը վերապրած վերջին հայաստանաբնակի՝ 105-ամյա Սիլվարդ Աթաջյանի մահվան մասին:
Հետևի՛ր մեզ քեզ հարմար սոցիալական ցանցում