«Ժամանակ» թերթը գրում է, որ «Մարտի 1-ի» գործով քննչական խմբի նախկին ղեկավարին Հայաստանից հեռանալու գործում օգնել է ՊԵԿ-ում աշխատող եղբայրը
«Մարտի 1-ի» գործով քննչական խմբի նախկին ղեկավար Վահագն Հարությունյանն այս պահին գտնվում է Մոսկվայում: Նա Քննչական կոմիտեի ղեկավարի տեղակալի պաշտոնից ազատվելուց հետո մեկնել է Հայաստանից: «Ժամանակ»-ի տեղեկություններով ՝ նրա Հայաստանից «անխափան» հեռանալու գործում մեծ ներդրում է ունեցել արդեն հետախուզվող Վահագն Հարությունյանի եղբայրը՝ Արտակ Հարությունյանը, ով հեղափոխությունից հետո նշանակվել է ՊԵԿ մաքսանենգության դեմ պայքարի Զվարթնոցի բաժնի պետ:
Վահագն Հարությունյանը դեռ չի որոշել՝ կվերադառնա Հայաստան, թե ոչ: Իրեն վկայի կարգավիճակով հարցաքննության մասին ծանուցագիր է ուղարկված, բայց ինքը բուժման կուրսեր է անցնում և ընթացքից ելնելով կորոշի՝ գալ, թե չգալ:
Հետևի՛ր մեզ քեզ հարմար սոցիալական ցանցում